Ден на мајчиниот јазик

Орторска вечер на тема „Говор за мајчиниот јазик“

По повод 21 Февруари, меѓународниот „Ден на мајчиниот јазик“ на 20.02.2015 во (петок) младинската заедница на СОУ Гимназија „Мирче Ацев“ заедно со професорката по македонски јазик и литература Емона Јованоска организираше ораторска вечер на тема „Говор за Мајчиниот јазик“. На оваа ораторска вечер со свои говори и ставови за мајчиниот јазик се претставија 14 ученици од сите 5 средни училишта во нашиот град и тоа:

- Од СОУ „Кузман Јосифоски - Питу“ настапија Теодора Тодороска, Ирена Велјаноска и Мартина Темелкоска;
- Од СОУ „Ристе Ристески -Ричко“ настапи Ѓорѓи Сиракоски;
- Од СОУ „Ѓорче Петров“ настапија Јуле Атанасовска, Глорија Талеска, Тамара Тодороска и Василиј Митрески;
- Од СОУ „Орде Чопела“ настапи Емилија Чавлеска;
- Од СОУ Гимназија „Мирче Ацев“ настапија Сара Нешкоска, Илчо Лешникоски, Бранка Иваноска, Филип Димоски и Христина Ангелеска.

Водители на вечерта беа Ева Антулеска и Филип Ѓорѓиоски.

   Ментори на учениците - оратори им се професорите по Македонски јазик и литература: Лидија Паноска, Цеца Видова Трајческа, Камелија Галева, Билјана Тинтоска, Анета Бунеска, Весна Михаиловска, Мартин Наумоски и Емона Јованоска.
   Стотина ученици и други гости во публиката, со своето присуство ја докажаа почитта и грижата кон мајчиниот јазик.
   На крајот на настанот, директорот на гимназијата, Кире Николоски на сите учесници и ментори им додели благодарници.