По повод Месецот на Франкофонијата во сите земји во светот каде што се зборува францускиот јазик се организираат и се одржуваат различни манифестации и културни настани.
И оваа година нашите ученици кои го изучуваат францускиот јазик, под раководство на професорката по француски јазик Мирјана Бошковска, приредија пригодна програма која беше изведена пред многубројната публика во театарот „Војдан Чернодрински”.
Атмосферата беше пријатна, а учениците зборувајќи го „јазикот на љубовта“, свирејќи и пеејќи, им ги стоплија срцата на сите присутни.
Програмата која се изведуваше на француски јазик беше посветена и на жените, мајките по повод вчерашниот Ден на жената. Оваа вечер на репертоарот беа француски шансони, рецитации и инструментални изведби.
Настапија учениците: Христина Цренн, Елена Ѓорѓиовска, Методи Илиески, Изабела Јошеска, Димитар Димески, Филип Тасески, Фросина Кузманоска, Симона Илиоска, Филип Димовски, Филип Шабаноски, Бисера Јованоска, Андреј Стојкоски, Боркица Тинтоска, Теодора Тасевска, Кристијан Стојоски, Михаел Милошески, Стефанија Смилеска, Наташа Ристеска, Марко Цветаноски, Фросина Цветкоска, Јана Мицеска, Анастазија Христоска и Бистра Петреска.
Настанот беше во организација на:
- Проф. Мирјана Бошковска - која беше главен иницијатор, уредник и реализатор на севкупниот настан
- Проф. Николче Богданоски - анимации, сценографија, техничка поддршка и медиумска афирмација
- Проф. Блаже Димески - техничка помош
- Христијан Стојкоски од III7 - дизајн на плакатот, анимации, сценографија и техничка поддршка
- Тони Сваќароски - техничка поддршка
Напишано од Елена Ѓорѓиовска III-1 клас
Фотографија: Бојан Илиески
Објавено на 10.03.2015
- Календар на неработни денови во 2017 година
- Заштита на личните податоци