Гимназија „Мирче Ацев“ Прилеп

Нов фудбалски терен
за учениците од спортската академија

   Од денес, учениците од Спортската академија при нашата Гимназија добија уште еден нов современ фудбалски терен. Таму нашите ученици ќе можат да ги реализираат часовите по спорт, тренинзите и секако да се натпреваруваат. Теренот е со вештачка трева, со рефлектори за ноќни спортски активности и изграден е по сите спортски критериуми и стандарди.

   Свеченото отворање на новиот спортски терен беше извршено од највисокото државно и општинско водство. На настанот присуствуваа учениците од спортската академија, нивните тренери, Директорот на училиштето и дел од  професорите во Академијата.

   Во оваа пригода, претседателот на Фудбалската федерација на Македонија, Илчо Ѓорѓиоски, на учениците од спортската академија им подари комплетна спортска опрема. Опремата е донација на Фудбалската федерација на Македонија и се состои од дресови, шорцеви, чорапи и  ЈАКО фудбалски топки.

Објавено на 02.12.2015