Гимназија „Мирче Ацев“ Прилеп

Најуспешните гимназијалци

На 17 мај 2016, 62 ученици, освојувачи на први втори и трети места на најразлични државни и меѓународни натпревари во оваа учебна година, заедно со директорот Кире Николоски и професорите - ментори, во големата сала на локалната самоуправа, остварија средба со градоначалникот на Прилеп, Марјан Ристески.

Градоначалникот ги поздрави присутните и им посака и понатаму да постигнуваат врвни резултати, потенцирајќи дека прилепската Гимназија отсекогаш била расадник на интелектуалци, а таквата традиција треба да ја продолжат и сегашните генарации ученици и професори.

Гимназијата „Мирче Ацев“ е единственото училиште во градот, и едно од ретките средни училишта во државата, кое секоја година на многу полиња, постигнува високи резултати.

Фотографија: Бојан Илиески