Гимназија „Мирче Ацев“ Прилеп

Први во прва помош

   Во саботата, на 12.05.2018, во просториите на Црвен крст - Прилеп, се одржа регионалниот натпревар по прва помош. На натпреварот учествуваа девет екипи од општините Прилеп, Крушево, Долнени и Кривогаштани.
   Традиционално, по дваесет и петти пат, ученичките од екипата на нашето училиште успешно ги санираа повредите и го освоија првото место на натпреварот со максимален број на поени.

   Во гимназиската екипа се ученичките: Веселина Шојлеска (капитен на екипата), Марија Дисоска, Искра Белческа, Искра Чупетреска, Ева Крстеска и Марија Ристеска.
   Ментор им е проф. Гоце Ѓорѓиоски

  Со постигнатиот успех, ученичките обезбедија учество на државниот натпревар кој ќе се одржи во Скопје во месец септември.

   Им посакуваме многу успех!