Гимназија „Мирче Ацев“ Прилеп

Прво место за писмен состав по француски јазик

   Здружението на професорите по француски јазик на Република Македонија во соработка со Националната комисијата за Франкофонија, на 23.03 во Салон 19:19 при Културно - информативниот центар во Скопје, организираше Франкофонска вечер во чии рамки беа доделени награди на победниците на државниот натпревар за писмен состав „Кажи ми десет збора на сите тонови“ (Dix-moi dix mots sur tous les tons).
   Со својот писмен состав Андреј Стојкоски, ученик во IV-7 во СОУ Гимназија „Мирче Ацев“, го освои првото место на натпреварот.
   Ментор на Андреј му е професорката по француски јазик Мирјана Бошковска.

   Учениците имаа задача да напишат писмен состав од 350-500 зборови на тема зададена на денот на натпреварот. Во составот требаше да бидат употребени минимум четири зборови од  претходно зададените десет зборови кои се нови кованици.

Овој успех ја продолжува традицијата на успешни настапи на натпреварите по француски јазик на учениците од нашата Гимназија.