МК  |  EN  |  FR  |  DE  

гимназија

Средно општинско училиште

Гимназија „Мирче Ацев“ Прилеп

Официјална веб страна на СОУ Гимназија „Мирче Ацев“ Прилеп
facebook logo tviter logo g+ logo youtube logo vikipedija logo

„Три писма“ во Република Грција

Три писма, The three letters

   На меѓународниот младински театарски фестивал „Олимпија во Дион“ во Република Грција, ќе учествува и нашата Гимназија со претставата „Три писма“.
   Автор и режисер на драмата е Маринко Шлакески, професор по драмски уметности и англиски јазик, а главната улогата ја игра ученичката Леона Митревска.
   Монодрамата „Три писма“ е приказна за еден општествен распад, оставена во три засебни писма во еден стар куфер во одамна напуштената куќа на Евелина, тетката на Ема, главниот карактер.

  Ова е второ учество на гимназијата „Мирче Ацев“ на овој театарски фестивал на кој со свои претстави учествуваат и претставници од домаќинот Република Грција, Кипар, Иран, Словачка, Белорусија, Унгарија, Хрватска ...
   Театарските претстави на фестивалот се изведуваат на античкиот театар во Дион, во подножјето на планината Олимп, каде што е погребан античкиот писател Еврипид, а дел од претставите кои имаат посебни сценско-технички потреби се изведуваат во блиските театри.
   Претставата „Три писма“ ќе се изведува на 26-ти септември во театарот „МО“ во Катерини. Претставата е на англиски јазик.

   Минатата година, нашата Гимназија се претстави на фестивалот со монологот „Лора“ на грчки јазик, по текст и режија на Маринко Шлакески, а главната улога беше на Марија Митреска. Претставата доби Признание и награда за автентичност на драмски текст и изведба.
   Се надеваме на успех и оваа година.


Објавено на: 19 Авг 2018

 

Други настани



Сите права се задржани. СОУ Гимназија „Мирче Ацев“ Прилеп
Copyright © 2010 - 2018
www.gimprilep.edu.mk. All rights reserved.

QR Код
гимназија