Гимназија „Мирче Ацев“ Прилеп

Официјална веб страна на СОУ Гимназија „Мирче Ацев“ Прилеп

Гимназијалецот Давид Димовски, ќе ја претставува Македонија на Светската олимпијада по географија во 2022 година во Кина

По предходно одржаните општински, регионални и државен натпревар по географија каде учениците од СОУ Гимназија „Мирче Ацев“-Прилеп ги одвоија првите места, на 30.11.2021 год.во просториите на ПМФ -Скопје со физичко присуство се одржа селекциониот натпревар за да се одреди тимот од 4 ученици кои ќе се подготвуваат за Светската олимпијада по географија IESO 2022 Кина.

На селекциониот натпревар учествуваа вкупно 9 ученици. Се решаваше комплексен тест согласно видот и обемот на прашањата кои се предвидени за Светската олимпијада 2022. Натпреварот го спроведоа претседателот на МГД Билјана Апостолоска Тошеска заедно со професорите: Ивица Милевски и Свемир Горан.
Учениците Давид Димовски и Давор Петрески, под менторство на професорката Виолета Проскоска Велкоска учествуваа на овој натпревар и постигнаа одлични резултати.
Ученикот Давид Димовски го освои 3 место, од сите ученици, со што стана член на тимот кој ќе учествува на Светската олимпијада, а ученикот Давор Петрески имаше успешно учество.

Заедно да ја споделиме среќата и гордоста од постигнатиот успех.