МК  |  EN  |  FR  |  DE  

гимназија

Средно општинско училиште

Гимназија „Мирче Ацев“ Прилеп

Официјална веб страна на СОУ Гимназија „Мирче Ацев“ Прилеп
facebook logo tviter logo youtube logo vikipedija logo
биди гим

 Гимназијалците како дел од проектот “Voices“ – RYCO

   

   

   И во време на светска пандемија заради Covid 19 нашите гимназијалци покажаа дека ако нешто силно се посакува може да се оствари. Станува збор за реализација на проектот “Voices” ( “ Гласови” ) под покровителство на Regional Youth Cooperation Office – RYCO во кој покрај гимназијалците од СОУ Гимназија “Мирче Ацев” учествуваа и ученици – средношколци од Белград ( Србија) и Никшиќ ( Црна Гора ). Самиот проект започна на почетокот на 2020 година кога нашето училиште беше домаќин на гостите од Србија и Црна Гора, но заради почетокот на пандемијата немавме можност да ја возвратиме планираната посета и во нивните градови. Сепак, проектот продолжи со online реализацијa како што впрочем функционираше и се останато во земјава па и во светот.

   Соочувајќи се со бројни предизвици, конечно, во април 2021 година , овој проект е успешно реализиран за што зборува и финалниот производ –  30 минутен филм под наслов “ Имаме ли сите иста шанса” како и публикација во 90 страни со текстовите и проектите од Македонија, Србија и Црна Гора. Во овој краток филм нашите ученици се јавуваат во главните улоги и преку искрени монолози го пуштаат својот глас, ја доловуваат сегашноста, проблемите, предизвиците, но и оптимизмот за успех и користење на својата шанса.

   Со гордост ги набројуваме учениците кои повеќе од една година посветено, квалитетно и одговорно работеа и ја претставуваа Гимназијата: Лора Штарго, Ненад Јакимов, Кристина Каламукоска, Афродита Петкоска, Александар Петрески и Бојана Тинтоска.

   Одговорен за креативниот процес и режијата на краткиот филм е професор Мартин Наумоски, додека координатор на проектот е професорката Кети Ефремоска.

   Самиот проект беше поддржан од директорот на Гимназијата Димче Настоски.

   Погледнете го краткиот филм, прочитајте ја публикацијата и уживајте.
   Прочитајте повеќе за проектот на следниот линк (на српски јазик) 


Објавено на: 05 Мај 2021

 



Сите права се задржани. СОУ Гимназија „Мирче Ацев“ Прилеп
Copyright © 2010 - 2024
www.gimprilep.edu.mk. All rights reserved.

QR Код
гимназија