Гимназија „Мирче Ацев“ Прилеп

Вештите говорници, гимназијалци се натпреваруваа во ораторство, на уште една ораторска вечер.

   Училишниот парламент при СОУ Гимназија „Мирче Ацев“ – Прилеп и оваа година успешно организира и реализира ораторска вечер, на која што право на учество имаа сите ученици на Гимназијата од I до IVгодина.

   Настанот се одржа на 30.03.2022 година во кино салата „Мис Стон“ во Прилеп. На овогодишната ораторска вечер се претставија седум гимназијалци, кои преку проза и поезија ги искажаа своите емоции, а се разбира ги покажаа и своите ораторски вештини.

   Темата на оваа ораторска вечер беше слободна, па секој од учесниците имаше можност да пишува дело, во кое слободно ќе ги искаже своите размислувања и чувства за одредена тема. Младите оратори беа оценети од страна на комисијата која ја сочинуваа професори од нашата Гимназија. Во состав на комисијата оваа година беа: Мартин Наумоски - проф. по Македонски јазик и Литература, Весна Паноска - проф. по Економија, Снежана Тодорческа - проф. по Социологија, Рубин Матески - проф по Филозофија и Рената Думбалоска- проф. по Македонски јазик и Литература.

   За најдобрите оратори беа доделени дипломи за освоено прво, второ и трето место. По изборот на комисијата, директорот на Гимназијата Димче Настоски им ги додели дипломите на најдобрите.

•    Прво место на овогодишната ораторска вечер освои Сара Трајкоска- ученичка во II-2,
•    Второ место освои Гордан Станоески- ученик во II-5  и
•    Трето место освои Христина Весковска- ученичка во III-8.

   Преку ораторската вечер, нашите гимназијалци имаа можност да ја покажат својата талентираност, мотивираност и вештини, а најбитно од сè сите заедно уживаа во зборовите и мудрите мисли на своите соученици.