Гимназија „Мирче Ацев“ Прилеп

79 Години од загинувањето на Мирче Ацев,

патронот на гимназијата

   Со полагање на цвеќе на Могилата на непобедените, на бистите во Алеата на народните херои и на бистата на Мирче Ацев во училишниот двор, Гимназијата го одбележа патрониот празник.
   Активностите во чест на Патронот започнаа пред две недели, со реализирање на поетска вечер во видео формат, во спомен куќата на Конески во Небрегово. Потоа се одиграа спортски натпревари помеѓу средните училишта од градов, а организирана беше и изложба на ученички ликовни дела во просториите на училиштето.

   На бистата на Мирче Ацев во училишниот двор цвеќе положија и градоначалникот на Прилеп, Борче Јовчески, делегација на Сојузот на борци и делегација од касарната „Мирче Ацев“.
   Одбележувањето на Патрониот празник заврши со свечена седница на Наставничкиот совет.