Гимназија „Мирче Ацев“ Прилеп

Пет награди на литературен конкурс

   Клубот на литературни творци од Прилеп, по повод Патронот на град Прилеп „Св.Никола“, организираше литературен конкурс за лични творби на слободна тема, во две категории: поезија и проза. Учество зедоа повеќе гимназијалци, а наградите кои беа доделени на 28.12.2022 година, им припаднаа на четворица ученици.

   Ученичката Вероника Кочоска од II-1 клас освои ПРВО место за прозна лична творба, а ученичката Тамара Ванеска од истиот клас освои двe награди: ВТОРО место за прозна лична творба и ВТОРО место за поетска лична творба. И двете ученички беа под менторство на професорката Христина Кочоска.

   Ученичката Катерина Николоска од II- 7 клас, освои ТРЕТО место во категоријата прозна лична творба, под менторство на професорот Мартин Наумоски.

   Освоено е уште едно ТРЕТО место во категоријата поетска лична творба, кое и припадна на ученичката Софија Оџаклиеска од I-6 клас, чиј ментор беше професорот Дарко Ристески.

   Им честитаме на учениците и менторите за освоените награди и им посакуваме тие да им бидат мотив за уште повеќе поетски и прозни креации во иднина!