Гимназија „Мирче Ацев“ Прилеп

Четири медали на државното првенство во скијање

   Во најдобро светло се претстави тимот на скијачи од Гимназија „Мирче Ацев“ на државното првенство во скијање, кое се одржа на падините на Маврово, на 18.02.2022 во организација на Фусмак.
   Учествуваа 350 скијачи од цела Македонија. Училишниот спортски клуб го претставуваа ученици кои континуирано ги усовршуваат скијачките вештини во школата за скијање „ГИМ СКИ“
   „Големо задоволство е да се освојат 4 медали од можни 12. Ова е голем успех за Гимназијата а и воопшто за град Прилеп. Предходеа подготовки во повеќе ски центри, за на крај радоста да биде голема со постигнување на овие резултати" коментира професорот а воедно и ментор на екипата, Даниел Василески.

Првото место го освои и по вторпат стана шампион, Бистра Небрежанец;
Втори места освоија Андреа Јанкоска и Борјан Стрезоски;
Трето место освои Ангелина Апостолоска

   Честитки за скијачите, за професорот и за Гимназијата.
   Дефинитивно Гимназија е расадник на одлични ученици и спортисти