Гимназија „Мирче Ацев“ Прилеп

Рецитираме и пееме на македонски

    Денот на македонскиот јазик, 5 Мај, учениците од сите средни училишта од Општина Прилеп го одбележаа преку настан со наслов: „Рецитираме и пееме на македонски“ во кино „Мис Стон“ на трети мај.

   Пред полна сала публика,средношколците од нашиот град се претставија со рецитации и музички изведби со кои ги наполнија срцата на присутните во публиката.

   Учениците од СОУ Гимназија „Мирче Ацев“, со поддршка на в.д. директорката Весна Михаиловска, зедоа учество во настанот, со рецитации и музички настапи.
   Со рецитации настапија учениците: Натали Ширкоска, Никола Мавчев, Ненад Кулески, Софија Оџаклиеска, Илина Тодоровска и Марија Велјаноска, под менторство на професорот по Македонски јазик и литература Дарко Ристески.
   Со музички изведби настапија учениците: Илина Трпаноска, Софија Настоска, Михаела Наумоска, Дијана Христоска, Ива Парапанска, Петар Апостолоски, Андреј Кулески и Константин Младеноски под менторство на професорката по Музичка уметност Татјана Иваноска.
   За сценографијата се погрижија учениците: Сара Пашоска, Теа Петреска, Давид Ристески и Андреј Маџоски под менторство на професорот по Ликовна уметност Александар Џинго.

    Од публиката, настанот го следеа градоначалникот на Прилеп, г-дин Борче Јовчески, претседателот на Советот на Општина Прилеп, г-дин Дејан Проданоски и советникот за образование г-дин Марјан Матракоски.

   Одбележувањето на Денот на македонскиот јазик беше поддржан од повеќето професори по македонски јазик, музичка уметност, од директорите на средните училишта и од Бирото за развој на образованието од нашиот град.