Гимназија „Мирче Ацев“ Прилеп

Меѓусебна комуникација кај учениците во училиштето

Приоритет во СОУ Гимназија „Мирче Ацев“ е грижата за безбедност и заштита на учениците  која се остварува низ ефективни форми и активности  во училиштето.

   Училиштето од неодамна е вклучено во проект „Унапредување на менталното здравје на учениците“ во соработка и заемни активности со Бирото за развој на образованието и УНИЦЕФ, во училиштето има подготвено Акциски план во кој се предвидени повеќе активности кои веќе се почнати да се реализираат. Една од тие активности е реализацијата на работилници на кои акцентот се става на развивање и подобрување на компетенциите кај учениците.

   Темата на работилниците е „Меѓусебна комуникација кај  учениците во училиштето“. Целта на овие работилнички активности е подигнување на повисоко ниво на вербалната комуникација кај учениците, односно учениците  да умеат да препознаваат и изразуваат позитивни и ефикасни промени во сопственото однесување преку праведни реакции во решавање на меѓусебни недоразбирања во вербалната комуникација.

   Работилниците се реализираа со учениците во III-2 клас на 20.02.2023г и со I-4 и I-6 клас на 21.02.2023г. и изобилуваа со низа активности во кои учениците зедоа активно учество. Посебно се издвои активноста на учениците и се поведе дискусија со која се извлече заеднички заклучок дека:

   Учениците:

• Треба да внимаваат како се изразуваат и однесуваат во вербалната комуникација  во училиштето и надвор од него,
• Да ги негуваат придобивките од позитивна комуникација меѓу нив, почит, разбирање, поддршка, соработка, самоконтрола
• Да бидат добро изградени личности кои ќе поседуваат човечки вредности во средината во која делуваат

   Реализатори на овие работилнички активности се членовите на стручната служба педагогот Светлана Барлакоска и социологот Евда Спиркоска со поддршка на вд директорот Весна Михаиловска и класните раководители во III-2, I-4 и I-6 клас.

   Во наредниот период претстојат повеќе активности поврзани со менталното здравје на учениците во училиштето од кои има потреба, а кои ќе се реализираат со учениците, наставниот кадар и родителите.