Гимназија „Мирче Ацев“ Прилеп

Гимназијалците, победници на државните натпревари по музичка уметност

   По освоените први места на регионалните натпревари во сите натпреварувачки дисциплини по музичка уметност, учениците од СОУ Гимназија „Мирче Ацев“ повторно ги собраа сите први награди и на државните натпревари кои се одржаа на 06.05.2023 во Прилеп (соло пеење) и 14.05.2023 год. во Валандово (хор и оркестар).

   Од вокалните солисти под менторство на проф. Татјана Ивановска првонаградените се Александра Трајческа (освои 100 бода), Ива Трајкоска и Ивана Јовеска.

   Училишниот оркестар кој што е од мешан вид и брои 16 ученици, првото место го освои со композициите „Time To Say Goodbye“ – Сартори и „Старо прилепско оро“ во аранжман и под диригенството на проф. Татјана Ивановска.

   Училишниот четвороголасен мешан хор кој што брои 73 ученици, првата и единствената награда со 100 бода ја освои со композициите „Canticorum jubilo“ од Хендл и „Македонско девојче“ од Јонче Христовски – обработка за четворогласен мешам хор и под диригенство на проф. Татјана Ивановска.

   Натпреварите беа во организација на Здружението на музички педагози на Македонија, а се одржаа под името „Viva la musica“.