Гимназија „Мирче Ацев“ Прилеп

За Денот на ретките болести

     На 27.02.2023 во просториите на нашата гимназија се одржа едукативен настан посветен на Денот на ретките болести. Настанот беше организиран од прим. М-р сци. Д-р Габриела Тавчиоска, педијатар едукатор на Медицинскиот факултет во Штип и стручен соработник на националната кампања „Ги запознаваме ретките болести“. Настанот беше поддржан од деканатот намедицинскиот факултет во Штип, директорката на нашата гимназија и компанијата „Виталиа“. На настанот се обрати и проф. Тодор Арсов, професор по генетика на Универзитето „Гоце Делчев“ во Штип кој повеќе години од својот професионален стаж ги поминал на Универзитетот Колумбија во Америка и Австралискиот Национален Универзитет.
   Д-р Тавчиоска ги запозна слушателите со организацијата и целта на националанта капања за ретки болести. Во Македонија во тек е петтата по ред национална кампања „Ги запознаваме ретките болести“, која во светски рамки се одржува од 2008 година. Целта на кампањата е да се подигне свеста на јавноста за ретките болести, да се запознае со предизвиците и бариерите со кои се соочуваат пациентите со ретки болести и членовите на нивните семејтва, како и да се испратат пораки до креаторите на политики за поголем ангажман за повеќе истражувања за ретки болести.
   Проф. Арсов одржа кратко, но многу информативно и мотивирачко предавања за генетската дијагностика на ретките болести. На настанот презентираа и две студентки по медицина. Леонарда Димоска, презентираше за ретките болести, а Ирина Кочоска презентираше случај на дете со ретка болест.
   Вакви едукативни настани се одлична можност за збогатување на знаењето и прилика за воспоставување на контакт со здруженијата на пациенти со ретки болести.