Гимназија „Мирче Ацев“ Прилеп

Трето место на државниот натпревар за пишување на француски јазик

  На 22 април 2023 година во хотел Холидеј Ин во Скопје, во организација на Здружението на професори по француски јазик на Република Македонија и фондацијата Бел идеал од Париз, се одржа манифестација на која им беа доделени наградите на победниците на државните натпревари по француски јазик во различни категории.

  Во категоријата Натпревари за пишување „Кажи ми десет зборови“ (Dis-moi dix mots), нашата ученичка Софија Гешоска го освои третото место. Ментор на Софија ѝ е професорката по француски јазик Мирјана Бошковска.

   Наградите ги доделуваа претседателот на „Бел Идеал“ г-ѓа Јадранка Бојковска Бенрејдал и претседателката на Здружението на професори по француски јазик на Република Македонија, г-ѓа Валентина Гацоска-Златковска.