Гимназија „Мирче Ацев“ Прилеп

Во гимназијата се одржа работилница на француски јазик

   На 19 октомври, во гимназијата „Мирче Ацев“, се одржа работилница на француски јазик, како дел од регионалниот проект „Учиме и создаваме поинаку“. Целта на работилницата беше преку иновативни методи на учениците да им се доближи францускиот јазик и на креативен и забавен начин учениците да научат нешто повеќе за францускиот јазик и култура.

   Во работилницата учествуваа ученици од IV година чиј професор по француски јазик е Мирјана Бошковска. Со работилницата раководеа гостинот од Франција, кореографот Давид Ролан, заедно со неговата асистентка Леа.

   Оваа ученичка активност, беше реализирана во соработка со Француската алијанса во Битола и Центарот за културна деконтаминација.