Гимназија „Мирче Ацев“ Прилеп

    Од 10-ти до12-ти мај 2019 година, во Скопје се одржа Државниот натпревар  во повеќе музички дисциплини, како за основни, така и за средни училишта.
   Во првата дисциплина и I категорија учествуваше и мешаниот хор при нашето училиште (86 ученици од I до IV година), додека во втората дисциплина (вокална интерпретација - соло пеење) учествуваа: Ангела Зероска од четврта година и Теодора Димеска и Марија Ристеска од втора година.

   Хорот со својот впечатлив настап освои Прво место со максимални 100 бода, со што е единствениот кој досега постигнал таков успех.

   Ангела Зероска, за вокална интерпретација - соло пеење, освои Прво, додека Теодора Димеска и Марија Ристеска освоија Втори места.

   Диригентот на хорот, а истовремено и ментор на вокалните солисти им е професорката по музичка уметност д-р Татјана Ивановска.