МК  |  EN  |  FR  |  DE  

гимназија

Средно општинско училиште

Гимназија „Мирче Ацев“ Прилеп

Официјална веб страна на СОУ Гимназија „Мирче Ацев“ Прилеп
facebook logo tviter logo youtube logo vikipedija logo
Креирај убавина, креирај среќа
 

poetsko muzicka

   Ноќ за паметење.Предвечерието на интернационалниот ден на жената со мотиви од славење на вино и љубов ни донесе уште една незаборавна вечер режирана од нашите гимназијалци.Шест години со ред се одржува поетско-музичка дружба , а оваа година беше една од најуспешните и најемотивните вечери затоа што практично ,на барање на многубројната публика , настанот траеше повеќе од 2 часа.Но да одиме со ред. Поетско – музичката манифестација именувана како “Креирај убавина,креирај среќа” креирана од професорите Мартин Наумоски и Наталија Гарбеска се одржа на 07.03.2019 во Клуб Калипсо. Повторно имавме микс на убава поезија и прекрасна интерпретација на музички точки од нашите солисти со еден новитет.Новитет се состоеше во тоа што имавме “отворен микрофон” за сите оние кои сакат да рецитираат и да пеат од публиката.Програмата која ја спремија нашите ученици беше повеќе од успешна па надополнета со желба,талент,емоција,среќа и убавина од самата публика добивме совршен производ – ноќ за паметење. Гимназија Мирче Ацев уште еднаш покажа дека знае и го одржува високото ниво на организација и реализација на настаните,а токму во таа реализација учествуваа следните ученици : Мариа Дисоска,Тереза Пипиџаноска,Стефанија Стефаноска,Сања Котеска и Јована Трајковска во поетскиот дел и Aнгела Зероска,Вероника Кузманоска,Маја Димеска,Елена Хаџи-Спироска,Димитар Паскоски како солисти.Тука беа и нашите инструменталисти кои имајќи перформанс во живо уште повеќе ја збогатија вечерта,а тоа беа : Никита Стојаноски,Леонид Котески и Гоце Илиески.Самиот настан беше поддржан од директорот на Гимназијата г-дина Димче Настоски.

   Се надеваме дека оваа традиција ќе се негува и во иднина затоа што и овој пат се покажа дека на луѓето им се потребни убави зборови и музика за да се вратат насмевките на нивните лица.

   Поздрав до следното видување. 


Објавено на: 13 Мар 2019

 

Други настани



Сите права се задржани. СОУ Гимназија „Мирче Ацев“ Прилеп
Copyright © 2010 - 2019
www.gimprilep.edu.mk. All rights reserved.

QR Код
гимназија