Гимназија „Мирче Ацев“ Прилеп

   На 23 април 2019 година во ОУ „Коле Неделковски“ во Скопје се одржа државниот натпревар по германски јазик. Од нашата гимназија зедоа учество 8 ученици, под менторство на професорките Мимоза Конеска, Елена Келтаноска Лашкоска и Бети Наумческа, коишто покажаа дека во прилепската Гимназија се негува германскиот јазик и се изучува со голема љубов и посветеност.
   Од натпреварувачите најуспешна беше матурантката Симона Тошеска од IV година, којашто под менторство на професорката Елена Келтаноска Лашкоска повторно го освои првото место и стана државен првак по германски јазик во категоријата IV година.

   Претходно, на 6 април 2019 година во СОУ Гимназија „Мирче Ацев“ Прилеп се одржа регионален натпревар по германски јазик на којшто учествуваа вкупно 116 ученици од основните и средните училишта од Прилеп, Битола, Кавадарци и Демир Хисар.

   Од нашето училиште учествуваа вкупно 13 ученици од 1, 3 и 4 година, коишто постигнаа одлични резултати и се пласираа за учество на државниот натпревар во Скопје:

1 година:
•    Марија Јошеска – 1 место (ментор: Бети Наумческа)
•    Дора Јованоска (ментор: Бети Наумческа)
•    Евгенија Гагалеска -3 место (ментор: Бети Наумческа)
3 година:
•    Кристина Дојкоска – 2 место (ментор: Елена Келтаноска Лашкоска)
•    Софија Станческа – 3 место (ментор: Мимоза Конеска)
4 година:
•    Симона Тошеска – 1 место (ментор: Елена Келтаноска Лашкоска)
•    Георги Шокоски – 1 место (ментор: Елена Келтаноска Лашкоска)
•    Елена Здравеска – 2 место (ментор: Елена Келтаноска Лашкоска)