Гимназија „Мирче Ацев“ Прилеп

   На ден 05.06.2019 година во просториите на Гимназијата „Мирче Ацев“ се одржа  настанот со наслов „Промоција на активностите поврзани со Ресурсниот пакет за ученичко учество и заштита на детските права“. Во овој настан учевство зедоа претседателот на ученичкиот парламент, ученикот правобранител и неговите заменици и координаторите на секторите при Ученичкиот Парламент во Гимназијата.
   На настанот се промовираа дел од активностите  од учениците кои се реализираа  во текот на  учебната 2018/19г.
   Се претставија и ученици кои во текот на учебната година се закитија со награди освоени на натпреври.
   Настанот беше збогатен со музички изведби и литературни настапи на учениците.

   Присутни гости беа и претставници на Бирото за развој на образованието и тоа: Советниците за образование Даница Талимџиоска и Оливера Тодороска како и директорите на средните училишта во нашиот град.