Гимназија „Мирче Ацев“ Прилеп

Гимназиска седенка

   Четиринаесетти февруари е ден кој, веќе традиционално е резервиран за учениците од нашата Гимназија кои преку убав збор, дружба и музика го чествуваат Св.Трифун. И оваа година на овој датум гимназијалците со поезија и музика го одбележаа овој празник на виното и љубовта.

   Овогодинешното издание на оваа поетско-музичка дружба се одржа под отворено небо, а таму задоволството да се присуствува беше заедничко, како кај гостите така и кај учесниците во настанот.

   Ред убава поезија, ред квалитетна македонска музика дополнети со топол чај, вино, печени костени и логорски оган беа само дел од настанот кој покажа дека гимназијалците се способни да донесат нова свежина и да го подигнат нивото на квалитетни настани во нашиот град и пошироко на повисоко ниво.

   „Гимназиската седенка“ како што беше наречен настанот донесе емоции и убави моменти кои нема да се заборават.

Фотографија: Бојан Илиески