Гимназија „Мирче Ацев“ Прилеп

Свечено доделување на дипломите

   Во петокот, на 12.08, во просториите на Гимназијата, се одржа свеченост на која им беа доделени дипломите на матурантите од генерацијата 2012 - 2016.

   На свеченоста кратко обраќање имаше градоначалникот Марјан Ристески кој потенцираше дека гимназијата е расадник на интелектуалци кои постигнуваат врвни резултати, секој во својата област, им честиташе на матурантите и им посака успех во понатамошното образование и живот.
   Потоа присутните ги поздрави директорот на гимназијата, Кире Николоски, кој им честиташе на матурантите посочувајќи дека оваа генерација била посебна по тоа што учениците постигнале врвни резултати и освоиле многу награди на државни и меѓународни натпреварувања во различни области.
   На крајот пред присутните гости, професори и свои соученици, се обратија и првенците на генерацијата, Стефан Неделкоски и Марко Маркоски по што се пристапи кон доделувањето на дипломите, радосниот чин за секој матурант.

Фотографија: Бојан Илиески

   Погледнете и кратко видео од настанот:

   Завршното видео, на матурантите од генерацијата 2012 - 2016