Гимназија „Мирче Ацев“ Прилеп

Прво место за младите репортери

На конкурсот од Програмата „Млади репортери за животната средина“ за најдобра новинарска статија, првото место го освоија Ивана Дукоска и Верица Христоска од I-3 клас, под менторство на проф. Весна Михаиловска.

Програмата „Млади репортери за животната средина“ е интернационална програма на Фондацијата (FEE) која се спроведува како составен дел од Програмата „Интеграција на еколошката едукација во македонскиот образовен систем“ на Министерството за образование и наука.

И оваа година беше распишан конкурс „Млади репортери за животната средина“ за најдобра новинарска статија, за најдобра фотографија и најдобар видео запис за некој локален еколошки проблем.

Според интернационалните критериуми  во конкуренција од 30 новинарски статии од средните училишта во Р.Македонија новинарската статија на Ивана и Верица „Уништувањето на шумите - уништување на гранката на која седиме“ која го третира проблемот на дивото сечење на шумите во Прилепско, го освои првото место. Оваа статија  ќе  биде испратена и на интернационалниот конкурс од Програмата.

Да им посакаме на нашите млади репортери со оваа статија да постигнат висок резултат и на меѓународниот натпревар!