Гимназија „Мирче Ацев“ Прилеп

Новото тениско игралиште на тест

   Новото тениско игралиште во нашата Гимназија е скоро довршено. Останува уште да се поврзат рефлекторите на електричната мрежа за целосно да биде употребливо. Градежните работи на игралиштето се завршени.

   Но иако сеуште официјално не е пуштено во употреба, сепак учениците и практично го тестираа. Го искористија сончевото време и одиграа некој сет.  Сепак, овој прв тениски натпревар беше наменски. Фотографија од натпреварот е ставена во новиот училишен календар за 2017 година.

   Новото тениско игралиште ја прави нашата Гимназија - училиште со најдобри услови за спорт.  Гимназијата има спортска сала, фитнес сала, вештачка карпа, повеќенаменско игралиште и сосема ново тениско игралиште.

 фотографија: Бојан Илиески