Гимназија „Мирче Ацев“ Прилеп

90 Години дејност на Научниот институт за тутун од Прилеп

   По повод 90 годишнината од постоењето, Научниот институт за тутун од Прилеп, на 17.12.2014год. во хотелот Кристал Палас, организираше свечена Академија на која се зборуваше за историјатот, дејноста, научните достигања и соработката на Институтот со другите научни институции од државава и надвор од неа.
   За свеченоста да биде повпечатлива, свој придонес имаа и нашите ученици кои со своите настапи го збогатија овој настан.
   Гимназискиот хор под диригентство на нашата професорка М-р Татјана Иваноска исполни три нумери, Теодора Сиљаноска ја рецитираше песната „Тутуноберачите“ а Бојан Јорданоски и Стефанија Дукоска ја рецитираа песната „Копачите“ од Кочо Рацин. Нашите хористи и рецитатори изнудија долготрајни бурни аплаузи од присутните гости и од домаќините.

Благодарност до директорката на Научниот институт за тутун, Д-р Гордана Мицеска, за отстапените фотографии од настанот

Објавено на 25.12.2014