Гимназија „Мирче Ацев“ Прилеп

Уште една успешна генерација гимназијалци

   Синоќа, на 14.08.2017 година во нашето училиште свечено беа доделени дипломите на 220 гимназијалци.
   Директорот на оваа образовна установа, Кире Николоски, истакна дека и оваа генерација на матуранти е вистинска гордост за Прилеп и исто како и претходните генерации и таа се истакнала со врвни резултати постигнати на големиот број на државни натпревари и се докажала со низа културни и спортски активности.
   Од свое име како и од името на професорите тој им посака се најдобро, да станат врвни интелектуалци со кои што ќе се гордее не само гимназијата „Мирче Ацев“ туку и градот Прилеп и Република Македонија.

   На доделувањето на дипломите присуствуваше и градоначалникот на Општина Прилеп, Марјан Ристески, кој на матурантите им посака успешно запишување на факултет и понатамошни успеси.

   Поздравен говор одржа и првенецот на генерацијата 2013-2017, Теодора Тасевска, која им се забалагодари на професорите за нивниот вложен труд, а на своите соученици им ја честиташе матурата и им посака многу успеси во иднина.

   По свечената церемонија, матурантите ги забавуваше електронското дуо Cyrillic.

фотографија: Горан Попоски