Гимназија „Мирче Ацев“ Прилеп

Гимназијалците на Школа на млади Физичари

   Група ученици од II година заедно со професорката по физика Марина Попоска учествуваа на 40тата Школа  „Млади физичари“, со наслов: „Физиката како наука и наставен предмет во 21 век“, организирана од  Друштвото на физичари на Република Македонија, што се одржа на 27-ми и 28-ми Ноември 2015 година во просториите на  Природно-математички факултет во Скопје. На Школата, учениците присуствуваа на предавања на различни теми: “Колку загадувањето може да биде романтично?”, (Д-р Оливер Зајков), “Дигитална холографија и нејзина примена”, (Д-р Сузана Топузоски), “Шлирингов метод на набљудување и негова примена за визуелизација на некои физички појави”, (Д-р Ристе Попески-Димовски), “За откритијата направени со помош на дифракција”, (Д-р Ламбе Барандовски) и “Општа теорија на релативност”, (Христијан Кочанковски).
   На настанот, учениците имаа можност да присуствуваат и на изложба на бројни демонстрации од различни области од физиката, како и да земат учество на мини тест натпревар. На Тест натпреварот, ученикот Стефан Наумоски од II-6, (ментор-Марина Попоска), го освои третото место во категорија ученици од II година од сите средни училишта од Р. Македонија, учесници на Школата.
   На сите учесници на Школата им беа доделени сертификати за учество, а на ученикот Стефан Наумоски диплома за постигнато III-то место на Тест натпревар на Школата.

Објавено на 29.11.2015