Гимназија „Мирче Ацев“ Прилеп

Историјата низ слики, предмети и восочни фигури

   На ден 11.03.2017 година, група ученици од трета година од Гимназијата „Мирче Ацев“ заедно со професорот по историја Марјан Дукоски и заменик-директорот Гоце Ѓоргиоски реализираа посета на „Музејот на Македонската Револуционерна Борба“ во Скопје, каде имаа можност да се запозаат со оргинални документи и автенитични извори, пронајдени и сочувани до ден денес, како и да видат голем број на восочни фигури од македонските револуционери.
   Исто така беше посетен и Музејот на „Холокаустот“, каде што се запознаа со животот на Евреите во Македонија, кои на ѕверски начин беа депортирани во логорот на смртта - Треблинка.

     Посетата на културно историските споменици од нашиот град, од Македонија и надвор од неа често се практикува во гимназијата „Мирче Ацев“, па така и посетата на овие две музејски институции за учениците беше едно ново искуство кое им овозможи собирање на повеќе знаења за историското минато во Македонија, а неизоставен дел беше и дружење надвор од наставните часови.