Најдобри по математика

Прилепските гимназијалци продолжуваат со врвни успеси по математика

На дваесет и втората Македонска математичка олимпијада која се одржа на 04 април 2015г. на ФОН Универзитетот во Скопје, нашите натпреварувачи потврдија дека прилепската Гимназија ги има најдобрите математичари во Македонија.
Стефан Николоски апсолутниот победник на Државниот натпревар по математика, беше успешен и на Математичката олимпијада каде како треторангиран влезе во групата од 6 натпреварувачи кои ќе ја претставуваат нашава држава на Балканската математичка олимпијада во Атина, а потоа и на Светската математичка олимпијада во Тајланд.

Успесите на гимназиските математичари се традиција на нашето училиште.
На овогодинешниот 58-ми Државен натпревар за учениците од средно образование кој се одржа во просториите на Машинскиот факултет-Скопје, на кој учествуваа 172 ученици од сите четири години од нашата држава, нашите ученици постигнаа одлични резултати и тоа: Стефан Николоски од четврта година освои прво место со освоени 100 од 100 можни поени; Марко Маркоски од трета година освои второ место; Инес Лесновска од прва година освои второ место; Славчо Премчески од трета година освои трето место

     Минатата година нашите натпреварувачи ги собраа сите награди од натпреварите по математика, а Стефан Николоски успешно ја претстави нашата Гимназија и нашата држава на Балканската математичка олимпијада во Пловдив, а потоа и на Светската математичка олимпијада во Кејптаун во Јужно Африканската Република.
     Претходната година Антониј Мијоски ги освои сите можни награди од натпреварите по математика и ја претставуваше нашата Гимназија и нашата држава на мегународните натпреварувања и на Светската математичка олимпијада во Колумбија.
     Антониј Мијоски своето образование го продолжи на Државниот универзитет во Санкт Петерсбург во Руската федерација каде студира на одделот Математика. Во минатата година Антониј беше еден од најдобрите студенти на Универзитетот.