Во чест на Патронот на нашето училиште, Мирче Ацев, традиционално и оваа година во нашата Гимназија се реализираа низа активности со кои учениците и вработените му оддадоа почит на херојот.
Организирани беа спортски натпревари, турнир во шах, ликовна изложба во просториите на училиштето и поетска вечер. На 04.01.2015 положено беше цвеќе пред споменикот во прилепскиот гарнизон и на Могилата на непобедените. Положено беше цвеќе и пред спомениците на народните херои на Алеата на непобедените. Потоа делегации на вработените, учениците, војниците и Сојузот на борците положија цвеќе на споменикот во нашето училиште.
Вечерта во театарот беше одржана Академија во чест на Патронот. На академијата учениците се претставија со рецитаторски, ораторски, музички, хорски и балетски точки. За првпат во Македонија нашите учениците изведоа точка со хорско рецитирање на песната „Гарванот“ со што оставија силен впечаток кај публиката.
Фотографија: Христијан Јанкоски
Објавено на 08.01.2015
- Календар на неработни денови во 2017 година
- Заштита на личните податоци