Симулација на Европскиот Парламент
Во организација на „Nova International Schools“ веќе три години со ред се одржува симулацијата на Европскиот Парламент(MEP), а одржани се 5 такви симулации. На овој настан учествуваат ученици од 20 гимназии од цела Македонија во тимови по 3. Секој тим претставува една држава и се дели на 3 комитети. Првиот и вториот ден се дебатира и се формира резолуција на одреден проблем, а третиот ден во Градското Собрание се бранат форимраните резолуции. Официјален јазик на симулацијата е Англиски. Нашата гимназија традиционално зема учество секоја година. На последната симулација, 03-05 Октомври 2014, наши претставници беа Фросина Цветкоска, Андреј Димитриоски и Петар Тодороски, а нивен ментор професорката по англиски јазик Кети Ефремоска, која секоја година успева најдобро да ги припреми тимовите. На овој натпревар до сега имаат учествувано околу 10 ученици од нашата гимназија.
Најголем успех од нашата гимназија постигна Ангела Димеска која на втората симулација освои доволно бодови за да биде меѓу првите 5 во Македонија и да ја претставува нашата држава на меѓународната симулација на Европскиот Парламент во Англија.
Оваа симулација покрај натпреварувачки има и едукативен карактер, со тоа што учениците се запознаваат одблиску со работата на Европскиот Парламент и ги унапредуваат своите дебатирачки и говорни способности.
Напишано од Петар Тодороски
Користете ги стрелките на тастатурата за прегледување на сликите
- Календар на неработни денови во 2017 година
- Заштита на личните податоци