Гимназија „Мирче Ацев“ Прилеп

Трето место по физика

На 7ми Мај 2016г, во просториите на Природно-математичкиот факултет, Институт за физика, Скопје, во организација на Друштвото на физичари на Р. Македонија се одржа 59-тиот Републички натпревар по физика за учениците од средните училишта. На овој натпревар, од нашето училиште учествуваше ученикот Христијан Ржаникоски од II-5 клас, под менторство на професорката по физика м-р Марина Попоска и го освои третото место. Нему му беше доделена Диплома за освоено III место и награди во книги. Да напоменеме и тоа дека успехот на Христијан е поголем ако се има во предвид фактот што на натпреварот не беше доделено првото место.

Со овој резултат, Христијан си обезбеди учество на државната Олимпијада по физика, која ќе се одржи на 27-ми Мај, 2016г. во Скопје.