Гимназија „Мирче Ацев“ Прилеп

Здрава храна за здрав живот

   По повод денот на здравјето, оваа недела од 11 до 13 април Хуманитарниот сектор од Младинската организација при СОУ Гимназија „Мирче Ацев“ одржа презентации за учениците од основните училишта во нашиот град под мотото:

Најголемиот подарок што можеш да му го дадеш на твоето семејство и светот е ЗДРАВ ТИ!

   На презентациите учениците од вторите одделенија беа запознати со интересни податоци за храната, имаше интересни поуки, заклучоци, квизови, песни и забава.  Посебен интерес кај второодделенците предизвикаа убаво декорираните „трпези“ на кои имаше разни видови овошја и зеленчук и сок од свежо мелено и цедено овошје.
   Со насмевка и радост основците уживаа во вкусовите, задоволни од презентацијата на гимназијалците.

Настанот го организираа и го реализираа учениците: Наум Стамболџиоски, Александра Илиеска, Наталија Димеска, Викторија Спиркоска, Катерина Божиновска, Стефан Здравески, Вероника Глигороска, Косара Блажеска, Натали Трајаноска, Наум Аврамоски, Андреј Крстев, Ивана Стојаноска, Марија Андрееска, Марија Биновска, Елена Сливоска, Ивана Наумоска и Бистра Петреска.
   Ваквите убави, вкусни и поучни презентации ќе продолжат да се реализираат и во иднина.