МК  |  EN  |  FR  |  DE  

гимназија

Средно општинско училиште

Гимназија „Мирче Ацев“ Прилеп

Официјална веб страна на СОУ Гимназија „Мирче Ацев“ Прилеп
facebook logo tviter logo youtube logo vikipedija logo

Второ место за проектот „Сеизмичка појава - Сеизмизам“

 

Вештачки земјотрес

   Минатиов викенд, за првпат досега, се организираше тридневен настан насловен како „Месец на науката- Ноември 2016“. Учество на настанот зедоа сите научни институции и друштва од нашава држава, како и скоро сите средни училишта во Македонија. Учесниците на овој настан имаа свои презентации на интересни теми во салите на „Cineplex“ и „City Moll“ во Скопје,  додека дел од активностите, вклучувајќи го и тест натпреварот беа реализирани на Природно-математичкиот факултет.
   Најголем интерес на натпреварот имаше за експериментите и демонстрациите изведени од страна на ученици кои се натпреваруваа во областите: физика, географија, хемија и биологија.

   Нашите ученици од трета година: Исидора Стеваноска, Христијан Стомнароски, Ана Димоска, Стефан Костоски и Антониј Ацески, под менторство на проф. Виолета Проскоска Велкоска го освоија второто место во областа географија, за проектот „Сеизмичка појава - Сеизмизам“ практично предизвикувајќи спектакуларен земјотрес на показната макета. Преку нивната демонстрација, стручната комисија и заинтересираните имаа можност практично да видат како се случува земјотресот, кои фактори влијаат за појава на земјотреси, што се случува со тлото при земјотрес и сл.

земјотрес трговски центар

   Со оваа награда нашите ученици ја продолжија традицијата на врвни успеси по географија.

 


Објавено на: 22 Ное 2016

 



Сите права се задржани. СОУ Гимназија „Мирче Ацев“ Прилеп
Copyright © 2010 - 2019
www.gimprilep.edu.mk. All rights reserved.

QR Код
гимназија