Гимназија „Мирче Ацев“ Прилеп

Проект „Цркви и манастири во Прилеп и Прилепско“

   Бидејќи на часот по историја учевме за укинувањето на Охридската архиепископија и за средновековни културни остатоци во Македонија, професорот по историја даде предлог за проект на оваа тема. Заинтересираните дигнавме рака и за неколку недели изработивме, за нас прекрасен и многу драгоцен, проект.
   Во проектот вложивме многу труд, како екипа бевме сложни и на љубопитен и по малку рекреативен начин истражувавме и научивме многу за околните светилишта кои не опкружуваат.
   Разговаравме со жителите на населените места, со монаси и монахињи од кои собиравме податоци кои ни беа потребни за проектот.

   За реализацијата на проектот ги посетивме:

• „Успение на Пресвета Богородица“-Трескавец
• „Св.Архангел Михаил“-Варош,
• „Св.Петар и Павле“-Варош,
• „Св.Кирил и Методиј“-Прилеп
• „Св. Преображение“ –Прилеп
• „Св. Благовештение“ -Прилеп
• „Св.Петка“-Прилеп
• „Свето Преображение“-Зрзе
• „Свети Никола“-Обршани
• „Св.Богородица“-Обршани
• „Св.Богородица“-Бела Црква
• „Св.Ѓорѓија“-Пашино Рувци
• „Св.Илија“-Веселчани
• „Св.Никола“-Врбјани

   Работејќи го проектот прошетавме низ историјата. Се сретнавме со историјата на античка Македонија со материјалните остатоци во црквата „Св.Богородица“ во с.Бела Црква и манастирот „Свето Преображение“ во с.Зрзе. Се сретнавме со средновековието кога го разгледувавме и дознававме за минатото на манастирот „Св.Архангел Михаил“- во Варош. Посетивме и светилишта од денешно време.

   Ова истражување, прошетката по населените места и посетата на овие значајни културно-историски споменици ни причинува задоволство и исполнета душа.

Проектот го изработија:
Јошеска Марија,
Качороска Александра,
Ефтинџиоска Сања,
Мискоска Елена и
Крстеска Марија
2019/2020 год.